hindi mo na kailangang sabihin
kung kailan ako lalabas,
upang magbigay sa’yo nang init,
upang sabihin sa’yo
“mas higit pa doon ang kaya kong gawin”
-ngitian ang bawat ningas na masilayan-
at hindi kita matuturuang makibaka
at makigalaw
sa mga tulad kong minsan nang nadapa’t nasugatan
at muling bumabangon
bago pa ng sugat ay maghilom
hindi mo na rin kailangan ipaalala
kung kailan dapat
at tumigil sa paggawa
dahil ang araw ay unti unti nang lumulubog
sa kanyang kanlungan
bago pa dumating ang gabi
kahit wala ka pa
kahit wala ka na..
9.9.09
Subscribe to:
Post Comments (Atom)
No comments:
Post a Comment